විහාරස්තානයක වෙඩි තැබීම ප්‍රදේශයේ පිහිටි විහාරස්ථානයකට ඊයේ රාත්‍රියේ වෙඩි ප්‍රහාරයක් එල්ලවී තිබේ.
මෙලෙස වෙඩි ප්‍රහාරය එල්ලවී ඇත්තේ මහියංගනය කුකුළාපොළ සෝනුත්තර මහාවිහාරයටය.
විහාරාධිපති හිමි වන පූජ්‍ය පොල්පැලකැටියේ පඤ්ඤරතන විහාරාධිපති හිමියන් වැඩ විසූ ආවාස කුටියට කිසිවෙකු මෙලෙස වෙඩිතබා ඇත.
ඒ විහාරාධිපති හිමියන් ඊයේ රාත්‍රියේ පිංකමක් සඳහා සහභාගී වී නැවත වැඩමකොට තම කුටියේ සැතපී සිටියදී මෙම වෙඩිතැබීම සිදුව තිබේ.
රාත්‍රී 12.30ට පමණ කිසියම් පිරිසක් ආවාස කුටියේ ජනේලය දෙසින් වෙඩි ප්‍රහාරය එල්ල කර තිබූ අතර ඉන් විහාරාධිපතිහිමියන්ට හානියක් සිදුව නොමැත.
සිද්ධිය සම්බන්ධයෙන් ස්ථානීය පරීක්ෂණය දෙහිඅත්තකණ්ඩිය අපරාධ ස්ථාන පරීක්ෂණ නිලධාරීන් සිදුකර ඇතිඅතර සැකකරුවන් සොයා පොලිස් විමර්ශන ආරම්භ කර තිබේ.
60
/ 100
SEO Score
