ශ්‍රී ලංකාව දෙසට ගමන් කරමින් තිබූ භාණ්ඩ ප්‍රවාහන නෞකාවක ගැටීමෙන් අමෙරිකාවේ බැල්ටිමෝර් නගරයේ Patapsco ගංගාව හරහා තිබූ ප්‍රධාන පාලමක් කඩා වැටී ඇති බව වාර්තා වේ.
වාහන 4ක් පමණ ඒ අවස්ථාව වන විට පාලම මත තිබූ බවටයි තොරතුරු වාර්තා වෙන්නේ.
සැතපුම් 1.6ක් දිග ෆ්‍රැන්සිස් ස්කොට් කී පාලමේ විශාල කොටසක් එරට වේලාවෙන් අලුයම 1.30 ට පමණ නෞකාව ගැටීමෙන් පසු Patapsco ගංගාවට කඩා වැටී තිබෙනවා.
බැල්ටිමෝර් ගිනි නිවීමේ දෙපාර්තමේන්තුවේ සන්නිවේදන අධ්‍යක්ෂ කෙවින් කාට්රයිට් ඇසෝසියේටඩ් පැවසුවේ
“මෙය දරුණු හදිසි අවස්ථාවක්. දැන් අපගේ අවධානය යොමු වී ඇත්තේ මෙම පුද්ගලයින් බේරා ගැනීමට සහ යථා තත්ත්වයට පත් කිරීමට උත්සාහ කිරීමටයි.”‘
ඒ අවස්ථාව දැක්වෙන වීඩියෝ මේ වන විට සමාජ මාධ්‍යයෙහි සංසරණය වනවා.
