හිටපු ජනාධිපති මෛත්‍රීපාල සිරිසේන මහතාට ශ්‍රී ලංකා නිදහස් පක්ෂ සභාපති ධූරයේ කටයුතු කිරීම වළක්වාලමින් කොළඹ දිසා අධිකරණය අද (24) තවත් වාරණ නියෝගයක් නිකුත් කර තිබෙනවා.
සිරිසේන මහතාට ශ්‍රීලනිප ව්‍යවස්ථාවට අනුව ජනාධිපති ධූරය අහෝසි වීමෙන් පසු එම පක්ෂයේ සභාපතිවරයා ලෙස කටයුතු කිරිම නීත්‍යානුකූල නොවන බව පවසමින් එම පක්ෂයේ හිටපු විධායක සභික මොන්ටිගූ සරත් චන්ද්‍ර මහතා විසින් පැමිණිල්ලක් ගොනුකර තිබුණා.
එම පැමිණිල්ල විභාගයට ගත් අවස්ථාවේදීයි කොළඹ දිසා අධිකරණය විසින් මෙම නියෝගය නිකුත් කර ඇත්තේ.
මීට පෙර ද හිටපු ජනාධිපතිවරයාට නිදහස් පක්ෂ සභාපති ධූරයේ කටයුතු කිරීම වළක්වාලමින් කොළඹ දිසා අධිකරණය විසින් වාරණ නියෝගයක් නිකුත් කළා.
ඒ හිටපු ජනාධිපතිනි චන්ද්‍රිකා කුමාරතුංග මහත්මිය ගොනු කළ පැමිණිල්ලක් සළකා බැලිමෙන් අනතුරුවයි.
57
/ 100
SEO Score
