කහටගස්දිගිලිය ප්‍රාථමික විද්‍යාලයේ 3 ශ්‍රේණියේ පාසල් සිසුන් පිරිසක් අද (12) පාසලෙන් ලබාදුන් ආහාර විෂ වීමකින් කහටගස්දිගිලිය මූලික රෝහලට ඇතුළත් කර තිබෙනවා.
පාසලෙන් ලබාදුන් උදෑසන ආහාර වේල ලබාගැනීමෙන් පසුව ඇඟ කැසීම් ඇතිවිමත් සමග සිසු සිසුවියන් 25 දෙනෙකු රෝහල් ගත කර තිබෙනවා.
වෛද්‍යවරුන් පවසන්නේ, සිසුන් උදෑසන ලබාගත් ආහාර හේතුවෙන් මෙම ආසාත්මිකතාවය ඇතිවී ඇති බවයි.
කහටගස්දිගිලිය ප්‍රාථමික විද්‍යාලයේ 3C සහ 3D යන පන්ති වල ඉගෙනුම ලබන සිසුන් මෙලෙස රෝහල්ගත කර තිබෙනවා.
විද්‍යාලයේ විදුහල්පතවරයා පවසන්නේ, 3D පන්තියට අද දිනයේ ආහාර ලබාදෙන සැපයුම්කාර මව නොපැමිණීම හේතුවෙන් 3C පන්තියට ආහාර සපයන මව විසින් 3D පන්තිය සඳහාද ආහාර ලබාදීම සිදුකර ඇති බවත් මේ පිළිබඳව තමාද වැඩිදුර සොයා බලා කටයුතු කරන බවයි.
63
/ 100
SEO Score
