අනවසර සංක්‍රමණිකයන් දෙසීයකට වැඩි පිරිසක් රැගත් කුඩා බෝට්ටුවක්, යේමනයට ඔබ්බෙන් මුහුදේ ගිලී ගොස් තිබෙනවා.
ඒ හේතුවෙන් 49 දෙනෙක් ජීවිතක්ෂයට පත්ව ඇති අතර තවත් 140ක් අතුරුදන්ව ඇති බව විදෙස් මාධ්‍ය වාර්තා කළා.
මියගිය පිරිස අතරේ, කුඩා දරුවන් 6 දෙනෙකු සහ කාන්තාවන් 31 දෙනකු සිටින බව එක්සත් ජාතීන්ගේ සංක්‍රමණික කටයුතු සම්බන්ධ ආයතනය පවසනවා.
මෙම පිරිස වාර්ගික සහ සිවිල් යුද ගැටුම් හේතුවෙන් පණ බේරාගෙන ඉතියෝපියාවෙන් සහ සෝමාලියාවෙන් පැමිණි වැසියන් බව තහවුරු වී ඇතැයි සඳහන්.
