තම දියණියන් දෙදෙනාගේ නිරුවත වීඩියෝ කොට තරුණයින්ට එම දර්ශන අලෙවි කළ මුලතිව් ප්‍රදේශයේ මවක් පුදුකුඩීඉරිප්පු පොලීසිය විසින් 17 දා අත් අඩංගුවට ගෙන තිබෙනවා.
මුලතිව් පුදුකුඩීඉරිප්පු ප්‍රදේශයේ 34 හැවිරිදි මවක් සිය 14 හැවිරිදි හා 11 හැවිරිදි දියණියන්ගේ නිරුවත් ඡායාරූප හා වීඩියෝ ලබා ගෙන තිබෙනවා.
එක් දිනක් රාත්‍රී කාලයේදී මව විසින් දියණියන්ගේ වීඩියෝ ලබා ගන්නා අන්දම එදින එම නිවසේ නිදා ගැනීමට පැමිණි මවගේ නැගණියගේ දුව දැක තිබෙනවා. ඇය සිය මවට ඒ බව දැනුම් දීමෙන් පසුව ඇය ඒ සම්බන්ධයෙන් පුදුකුඩීඉරිප්පු පොලීසියට පැමිණිලි කිරීමෙන් පසුව අදාල මව අත් අඩංගුවට ගෙන තිබේ.
ඇයගේ දුරකතනය පරීක්ෂා කිරීමේදී එම දර්ශන දැක ගැනීමට පොලීසියට හැකි වී අති අතර ඇය පොලීසියට පවසා ඇත්තේ වැරදීමකින් ජංගම දුරකතනය ක්‍රියාත්මක වීම නිසා ඡායාරූප හා වීඩියෝ එහි රූගත වී ඇති බවයි.
කෙසේ වෙතත් පුදුකුඩීඉරිප්පු පොලීසිය මේ සිද්ධිය සම්බන්ධයෙන් මුලතිව් මහේස්ත්‍රාත්වරයාට කරුණු ඉදිරිපත් කිරීමෙන් පසුව නඩුව අවසන් වන තුරු දියණියන් දෙදෙනා සුලු මවගේ බාරකාරත්වයට පත් කරන ලෙසත් ඊට පෙර එම දැරියන් දෙදෙනාව මුලතිව් රෝහලේ අධිකරණ වෛද්‍ය නිලධාරීවරයා වෙත ඉදිරිපත්කොට පූර්ණ වාර්තාවක් ලබා ගෙන එය අධිකරණයට ඉදිරිපත් කරණ ලෙසත් පොලීසියට නියෝග කොට තිබේ.
අදාල මව මේ මස 25 වෙනිදා දක්වා රිමාන්ඩ් බාරයේ තබන ලෙසටද මහේස්ත්‍රාත්වරයා නියෝග කොට ඇත.
