ඉදිරි සති කිහිපය තුළ මෙරට ඉන්ධන මිලෙහි විශාල වෙනසක් සිදු වනු ඇති බවට තොරතුරු වාර්තා වනවා.ඒ, ලංකා ඛනිජ තෙල් සංස්ථාව ලබන ලාභය අඩු කිරීමට තීරණය කිරීම හේතුවෙන්.
මේ වනවිට මෙරට තුළ ඉන්ධන සමාගම් කිහිපයක් සිය අලෙවි කටයුතු සිදු කරන නමුත් ඉන් තමන්ට කිසිදු සහනයක් නොමැති බවයි, ජනතාව චෝදනා කළේ.
ඒ අනුව ඉදිරියේ දී ඉන්ධන මිල දැවැන්ත ලෙස අඩු කිරීමට රජය කටයුතු කර ඇති බවයි, බලශක්ති අමාත්‍යංශයේ ජ්‍යෙෂ්ඨ නිලධාරියෙක් ප්‍රකාශ කර ඇත්තේ.
මෙරට මාසිකව සිදු කරන ඉන්ධන මිල සංශෝධනය මේ මස 30 වැනිදා සිදු කිරීමට නියමිතව තිබෙනවා.
මේ අතර ලෝක වෙළෙඳපොළෙහි ඉන්ධන මිල අඩු වී ඇති බවට විදෙස් මාධ්‍ය වාර්තා සඳහන් කරනවා.ඒ අනුව බ්‍රෙන්ට් බොර තෙල් බැරලයක මිල ඩොලර් 84.71ක්.WTI වර්ගයේ බොර තෙල් බැරයක් අලෙවි කරන්නේ ඩොලර් 80.33කටයි.
59
/ 100
SEO Score
