එක්සත් ජාතික පක්ෂයේ සංවිධායකවරුන් පත්කිරීම ජනාධිපති රනිල් වික්‍රමසිංහ මහතාගේ ප්‍රධානත්වයෙන් සිරිකොත පක්ෂ මූලස්ථානයේදී අද (03දා) පැවැත්වුණා.
මෙහිදී කොළඹ ජාතික රෝහලේ නියෝජ්‍ය අධ්‍යක්ෂකවරයා ලෙස කටයුතු කරන වෛද්‍ය රුක්ෂාන් බෙල්ලන මහතාටද සංවිධායක ධුරයක් හිමිව තිබෙනවා.
ඒ අනුව ඔහු එක්සත් ජාතික පක්ෂයේ උතුරු කොළඹ ආසනයේ සංවිධායක ලෙස පත්වීම් ලිපිය ලබාගෙන තිබේ.
වෛද්‍ය රුක්ෂාන් බෙල්ලන මහතා විසින් සුළු සේවකයන් ඉලක්ක කරගෙන විටින් විට ප්‍රකාශ නිකුත්කළ අයෙකු වෙනවා.
ඒ හේතුවෙන් වරක් (ඉකුත් පෙබරවාරි මස) ඔහු කළ ප්‍රකාශයට විරෝධය පළ කරමින් සුළු සේවකයෝ ඔහුව කාර්යාල අඩස්සියේ පැය 07කට ආසන්න කාලයක් රඳවා තබාගැනීමටද කටයුතු කරනු ලැබුවා.
ඒ හේතුවෙන් පොලීසිය සහ කැරලි මර්දන ඒකකය එක් වී මහත් පරිශ්‍රමයක් දරා ඔහුව රෝහල් පරිශ්‍රයෙන් පිටතට ගැනීමටද සිදුවුණා.
