දකුණු කොරියාවේ රජයේ සේවකයෙකු ලෙස සේවය කළ රොබෝවරයකු සියදිවි හානි කරගෙන තිබෙනවා.
ඒ සියදිවි හානිකරගත් ලොව ප්‍රථම රොබෝවරයා ලෙසයි.
මෙලෙස මියගොස් ඇත්තේ දකුණු කොරියාවේ ගුමී නගර සභාවේ සිවිල් සේවකයෙකු ලෙස ලියකියවිලි එහා මෙහා රැගෙන යන කාර්යාක සහයක රැකියාවක නිරත වූ රොබෝවරයෙක්.
ඔහු සේවය කළ ගොඩනැගිල්ලේ පළමු සහ දෙවන මහළ අතර පඩිපෙළෙන් පැන රොබෝවරයා සියදිවි හානි කරගෙන ඇති බවටයි සැක කෙරෙන්නේ.
සියදිවි හානි කරගත් රොබෝ වෙනුවෙන් ගුමී නගරවාසීන් ශෝකය පළ කළා.
කොරියානු මාධ්‍ය වාර්තා කළේ මේ වන විට රොබෝවරයාගේ සිරුර නගර බළධාරීන් රැගෙන ගොස් ඇති බවයි.
