අමෙරිකානු ජනාධිපති ජෝ බයිඩ්න් මෙවර ජනාධිපතිවරණ අපේක්ෂකත්වයෙන් ඉවත් වීමට තීරණය කර තිබෙනවා. ඒ අනුව ඔහු වෙනුවට ඩිමොක්‍රටික් පක්ෂයෙන් ජනපතිවරණ අපේක්ෂක ලෙස උප ජනාධිපති කමලා හැරිස් නම් කර තිබෙනවා.
පසුගිය ජුනි මාසයේ පැවති ජනාධිපතිවරණ පළමු විවාදයෙන් පසු අපේක්ෂකත්වයෙන් ඉල්ලා අස්වන ලෙස බයිඩන්ට ඩිමොක්‍රටික් පාක්ෂිකයින්ගෙන් දැඩි බලපෑම් එල්ල වූවා. ඇමෙරිකානු ජනාධිපතිවරණය එළැඹෙන නොවැම්බර් මස පැවැත්වීමට නියමිතයි.
සිය සමාජ මාධ්‍ය ගිණුමෙහි සටහනක් තබමින් ඔහු පවසා ඇත්තේ ජනාධිපති ධුරයට පත්වීම තම ජීවිතයේ ලද ලොකුම ගෞරවය බවයි.
එමෙන්ම, එහි ඔහු සඳහන් කර ඇත්තේ “නැවත තේරී පත්වීම මගේ අභිප්‍රාය වී ඇති නමුත්, මා ඉන් ඉවත් වී මගේ ධූර කාලය තුළ ජනාධිපති ලෙස යුතුකම් ඉටු කිරීම කෙරෙහි පමණක් අවධානය යොමු කිරීම මගේ පක්‍ෂයේ සහ රටේ යහපතට හේතු වන බව මම විශ්වාස කරමි.” යනුවෙන්.
58
/ 100
SEO Score
