රජයේ සියලුම විශ්‍රාමිකයන් සඳහා අතුරු දීමනාව ඔක්තෝබර් මාසයේ සිට ලබා දීමට නියමිතව තිබෙනවා.ඊට අදාළ චක්‍රලේඛය රාජ්‍ය පරිපාලන දේශ කටයුතු පළාත් සභා හා පළාත් පාලන අමාත්‍යාංශයේ ලේකම්වරයා විසින් නිකුත් කර ඇති බව සඳහන්.
එම මාසයේ දී සැප්තැම්බර් මස දීමනාව ද ලබා දෙන බවටයි එහි දක්වා ඇත්තේ. චක්‍රලේඛයේ පිටපත්, මැතිවරණ කොමිෂන් සභාව, මහා භාණ්ඩාගාරය සහ විශ්‍රාම වැටුප් දෙපාර්තමේන්තුවට යොමු කර ඇති බවට තොරතුරු වාර්තා වනවා.
සියලුම රජයේ විශ්‍රාමිකයන් වෙත රුපියල් 3000ක විශේෂ අන්තර්කාලීන දීමනාවක් ගෙවීමටයි රජය මීට පෙර තීරණය කළේ.
කෙසේ වෙතත් මැතිවරණ කාලසීමාවේ දී අදාළ දීමනා ලබා දීමෙන් වළකින ලෙසට මැතිවරණ කොමිෂන් සභාව විසින් ඉල්ලීමක් සිදු කර තිබුණා. ඒ අනුවයි, අදාළ දීමනවා ඔක්තෝබර් මස සිට ලබා දීමට තීරණය කර ඇත්තේ.
මීට පෙර සැප්තැම්බර් මාසයේ සිට ක්‍රියාත්මක වන පරිදි අදාළ දීමනාව ලබාදෙන බවට සඳහන් කරමින්, රාජ්‍ය පරිපාලන ස්වදේශ කටයුතු පළාත් සභා හා පළාත් පාලන අමාත්‍යාංශ ලේකම් විසින් චක්‍රලේඛයක් නිකුත් කළා.
