උද්ධික ප්‍රේමරත්ට වෙඩි තැබීමේ සිද්ධියට සහය වූ පොලිස් අධිකාරී CID අත්අඩංගුවට !

1 Min Read

රංගන ශිල්පී උද්දික ප්‍රේමරත්නගේ අනුරාධපුර නිවස අසලදී ඔහුගේ වාහනයට වෙඩි තැබීමේ සිද්ධියට සහාය වූ බව කියන අනුරාධපුර හිටපු සහකාර පොලිස් අධිකාරී (ASP) සංජීව මහානාම අපරාධ පරීක්ෂණ දෙපාර්තමේන්තුව අත්අඩංගුවට ගෙන තිබේ.

මෙම වෙඩි තැබීම නළුවා විසින්ම සහකාර පොලිස් අධිකාරිවරයකු සමඟ එක්ව මෙහෙයවූවක් බව මීට පෙර ප්‍රකාශ විය.

මූලික විමර්ශනවලට අනුව එම මන්ත්‍රීවරයා සහකාර පොලිස් අධිකාරීවරයා සමඟ එක්ව මෙම සිද්ධිය සැලසුම් කර ඇති බව පැවැසේ.

පාර්ලිමේන්තු මන්ත්‍රී උද්දික ප්‍රේමරත්නගේ වාහනයට වෙඩි ප්‍රහාරය එල්ල වූයේ 2023 සැප්තැම්බර් 17 වැනිදාය.

වෙඩි තැබීමෙන් මෝටර් රථයේ පැති වීදුරුවට හානි සිදුවී ඇතත් මන්ත්‍රීවරයාට තුවාල සිදුවී නැත.

සිද්ධියෙන් පසු සහකාර පොලිස් අධිකාරී මහානාම පොලිස් දෙපාර්තමේන්තුවේ නිසි අවසරයකින් තොරව රටින් පිටව ගිය අතර මේ සම්බන්ධයෙන් වෙනම පරීක්ෂණයක් ද ආරම්භ කෙරිණි.

අපරාධ පරීක්ෂණ දෙපාර්තමේන්තුව විසින් මාලඹේ ප්‍රදේශයේදී අත්අඩංගුවට ගත් හිටපු සහකාර පොලිස් අධිකාරීවරයා අධිකරණයට ඉදිරිපත් කරන බව පොලිසිය සඳහන් කරයි.

51 / 100 SEO Score
Share This Article
Leave a Comment