නයිජීරියාවේ මගීන් ප්‍රවාහන ලොරි රථයක් ඉන්ධන බවුසරයක ගැටීමෙන් සිදු වූ මාර්ග අනතුරකින් 48 දෙනෙක් ජීවිතක්ෂයට පත්වී තිබෙනවා.
නයිජර් ප්‍රාන්තයේ මෙම අනතුර සිදුව ඇති අතර අනතුරින් පසුව වාහන දෙකම ගිනිගෙන පුපුරාගොස් ඇති බව ජාත්‍යන්තර මාධ්‍ය වාර්තා කරනවා.
මාර්ගයේ ගමන්කරමින් තිබූ තවත් වාහන කිහිපයකට ද ඉන් හානි වී ඇති බව සඳහන් ය.
දුර්වල මාර්ග පද්ධති හේතුවෙන් නයිජීරියාවේ මෙවැනි අනතුරු බහුලව සිදුවන බවයි විදෙස් මාධ්‍ය පෙන්වාදෙන්නේ.
