නීති විරෝධීව මෙරටට රැගෙන ආ රන් කුඩු කිලෝකවකට වැඩි ප්‍රමාණයක් සමග පුද්ගලයෙකු ගුවන්තොටුපළ රේගු නිලධාරීන් විසින් අද (13) අත්අඩංගුවට ගෙන තිබෙනවා.
මොහු හැද සිටි කළිසමේ බැද තිබූ ඉන පටිය තුළ පැකට් ලෙස සකස් කර සගවා ගෙන මෙම රත්තරන් කුඩු කිලෝ ග්‍රෑම් 01 යි ග්‍රෑම් 460 ක් රැගෙන පැමිණ තිබුණි .
අත්අඩංගුවට ගත් සැකකරු 37 හැවිරිදි මීගමුව ප්‍රදේශයේ පදිංචිකරුවෙක් වන අතර එම පුද්ගලයා රේගු අත්අඩංගුවේ තබා ගෙන මේ පිළිබඳ වැඩිදුර විමර්ශන කටයුතු සිදු කරමින් පවතිනවා.
ඔහු ඩුබායි සිට ඉන්දියාවේ මුම්බායි නුවර වෙත පැමිණ, එතැන් සිට ඉන්ඩිගෝ ගුවන් සේවයේ 6 ඊ – 1185 දරන ගුවන් යානයෙන් කටුනායක ගුවන් තොටුපොළ වෙත අද පස්වරු 12.10ට පමණ පැමිණ තිබුණි.
60
/ 100
SEO Score
