පහ ශ්‍රේණිය ශිෂ්‍යත්ව විභාගයේ ප්‍රශ්න කීපයක් පිටවී ඇති බවට කියන සිද්ධියට අනුව අපරාධ පරීක්ෂණ දෙපාර්තමේන්තුව විසින් සිදුකළ විමර්ශනවල අසම්පූර්ණ බවක් ඇති බව ශ්‍රී ලංකා මානව හිමිකම් කොමිෂන් සභාව නිවේදනය කර තිබෙනවා.
ඒ සම්බන්ධයෙන් විමර්ශනය සම්පූර්ණ කර කඩිනමින් වාර්තාවක් ලබා දෙන ලෙසද එම කොමිෂන් සභාව වැඩිදුරටත් අපරාධ පරීක්ෂණ දෙපාර්තමේන්තුවට දැනුම් දී තිබෙනවා.
පැමිණිල්ල ඉදිරිපත් කරන ලද දෙමාපියන්ගේ සටහන් ලබා ගැනීමට ද අපරාධ පරීක්ෂණ දෙපාර්තමේන්තුව එකඟ වී ඇති බැවින් එම දෙපාර්තමේන්තුවේ වාර්තාව සකස් කරන තුරු මෙම විභාග ප්‍රශ්න පිටවීම සම්බන්ධයෙන් කිසිදු තීරණයක් ගැනීමට උත්සුක නොවන ලෙස මානව හිමිකම් කොමිෂන් සභාව විභාග නිලධාරීන්ට උපදෙස් ලබා දී තිබෙනවා.
60
/ 100
SEO Score
