ගාසා තීරයේ මුස්ලිම් දේවස්ථානයක් ඉලක්ක කරගනිමින් ඊශ්‍රායලය දැවැන්ත ගුවන් ප්‍රහාරයක් එල්ල කර තිබෙනවා. මෙම ප්‍රහාරය තමන් එල්ල කළ ප්‍රහාරයක් බව ඊශ්‍රායලය පිළිගෙන තිබෙනවා.
ප්‍රහාර හේතුවෙන් අවතැන් වූ පුද්ගලයන් රඳවා සිටි දේවස්ථානයක් වෙත් එල්ල කරන ලද මෙම ප්‍රහාරයෙන් පුද්ගලයින් 26 දෙනෙකු ජීවිතක්ෂයට පත්ව ඇති බවයි විදෙස් මාධ්‍ය වාර්තා සඳහන් කළේ.
ප්‍රහාරයෙන් පුද්ගලයින් රැසක් තුවාල ලබා ඇති අතර ගාසාහි සෞඛ්‍ය අමාත්‍යාංශය පුරෝකථනය කර ඇත්තේ ප්‍රහාරයෙන් මිය ගිය පිරිස තවදුරටත් ඉහළ යා හැකි බවටයි.
ඊශ්‍රායල හමුදාව බේරූට් හි දකුණු තදාසන්න ප්‍රදේශවලට ප්‍රහාර රැල්ලක් මුදා හැර තිබෙනවා.
ලෙබනන් අගනුවර අහස ගිනිදැල් සමඟ දැවැන්ත පිපිරීම් දක්නට ලැබෙන බවයි විදෙස් මාධ්‍ය වාර්තා කළේ.
