අද (08) මධ්‍යම රාත්‍රී 12.00න් අවසන් වීමට නියමිතව තිබු ඉදිරි මහමැතිවරණයට අදාළ තැපැල් ඡන්ද අයදුම්පත්‍ර භාර ගැනීමේ අවසන් දිනය ලබන 10 තෙක් දීර්ඝ කළ බව මැතිවරණ කොමිෂන් සභාව නිවේදනය කරනවා.
නිවේදනයක් නිකුත් කරමින් මැතිවරණ කොමසාරිස් ජනරාල් සමන් ශ්‍රී රත්නායක සඳහන් කරන්නේ තැපෑලේ දී සිදුවිය හැකි ප්‍රමාද වීම් සහ කොමිෂන් සභාව වෙත කරනු ලැබූ ඉල්ලීම් සැලකිල්ලට ගෙන මෙම පියවර ගත් බවයි.
ඒ අනුව, ලබන 10 වන බ්‍රහස්පතින්දා දින මධ්‍යම රාත්‍රී 12.00ට පෙරතැපැල් ඡන්ද අයදුම් පත් අදාළ දිස්ත්‍රික් මැතිවරණ කාර්යාල වෙත ලැබිය යුතු බව අදාළ නිවේදනයේ වැඩිදුරටත් සඳහන්.
