කටුනායක ගුවන්තොටුපල රේගු නිලධාරීන් විසින් නීති විරෝධීව රට තුළට විදේශ මත්ද්‍රව්‍ය ගෙන ඒමට තැත් කල 35 හැවිරිදි ලාංකිකයෙකු ඊයේ (18) දින රාත්‍රී 11.30ට පමණ අත්අඩංගුවට ගෙන තිබෙනවා.
ඔහු දෙමටගොඩ ප්‍රදේශයේ පදිංචිකරුවෙක් වන අතර රේගුවට කිසිවක් ප්‍රකාශ කිරීමට නොමැති මගීන් පිටවන හරිත මාර්ගයෙන් පිටවීමටයි මෙම මගියා උත්සාහ දරා ඇති බව සඳහන්.
මැලේසියාවේ ක්වාලාලම්පූර් ගුවන් තොටුපොලේ සිට කටුනායකට පැමිණි මෙම මගියා සතුව අයිස් වර්ගයේ මත්ද්‍රව්‍ය කිලෝග්‍රෑම් 10.197ක් තේකොළ අඩංගු පැකට් වල සඟවා තිබී රේගුව සොයාගනු ලැබුවා.
මෙම මත්ද්‍රව්‍යවල වටිනාකම රුපියල් මිලියන 250ක් බවටයි තක්සේරු කර තිබෙන්නේ. අදාළ ගුවන් මගියා සහ මත්ද්‍රව්‍ය තොගය වැඩිදුර විමර්ශනය සඳහා පොලිස් මත්ද්‍රව්‍ය නාශක කාර්‍යාංශයට භාර දී තිබෙනවා.
55
/ 100
SEO Score
