අස්වැසුම සුබසාධක ප්‍රතිලාභ වැඩසටහනට අයදුම්පත් භාර දීමට අතිරේක සහන කාලයක් මෙන්ම දුක්ගැනවිලි ඉදිරිපත් කිරීමට අවස්ථාවක් ලබා දීමට මුදල්, ක්‍රමසම්පාදන සහ ආර්ථික සංවර්ධන අමාත්‍යාංශය පියවර ගෙන තිබෙනවා.
එම අමාත්‍යාංශය නිවේදනය කළේ, අනිද්දා සිට දෙසැම්බර් 02 වැනිදා දක්වා අයදුම්පත් ඉදිරිපත් කිරීමට මෙලෙස කාලය ලබා දී ඇති බවයි.
එමෙන්ම, දුක්ගැනවිලි ඉදිරිපත් කිරීම සදහා ද අනිද්දා සිට දෙසැම්බර් 15 වැනිදා දක්වා කාලය ලබා දී තිබෙනවා.
අස්වැසුම ප්‍රතිලාභ ලබා ගැනීමට 3,70,000ක් පළමු අදියර යටතේ අයදුම්පත් ඉදිරිපත් කර තිබූ අතර, ඉන් ප්‍රතිලාභීන් 1,70,000ක් පිළිගෙන තිබුණා.
ඔවුන්ට මේ වන විට ප්‍රතිලාභ ගෙවන බවයි මුදල් අමාත්‍යාංශය සදහන් කළේ.
67
/ 100
SEO Score
