යාපනය රෝහලේ ප්‍රතිකාර ගනිමින් සිටියදී හඳුනා නොගත් උණ රෝගයකින් තිදෙනෙක් මිය ගිහින් !

හඳුනා නොගත් උණ රෝගයකින් යාපනය ශික්ෂණ රෝහල තුළ දින දෙකක් ඇතුළතදී පුද්ගලයින් තුන් දෙනෙකු මියයාම සම්බන්ධයෙන් ඊයේ (09) පරීක්ෂණයක් ආරම්භ කොට තිබෙනවා.

යාපනය ශීක්ෂණ රෝහලේ අධ්‍යක්ෂ පී.සත්‍යමූර්ති ප්‍රකාශ කළේ එම මියගිය පුද්ගලයින්ගේ ශරීර කොටස් කීපයක් වැඩිදුර පරීක්ෂණ සඳහා කොළඹට යවා ඇති බවයි.

උණ රෝගය වැළදීම නිසා මේ පුද්ගලයින් රෝහල් ගතව සිටියදී මියගොස් ඇතත් එම උණ රෝගය නිශ්ඡිත වශයෙන් හඳුනා ගැනීමට පෙර ඔවුන් මියගොස් තිබීම නිසා රෝහලේ වෛද්‍යවරුන් බරපතල ප්‍රශ්නයකට මුහුණ් පා ඇත.

යාපනයේ පේදුරුතුඩුව ප්‍රදේශයේ වයස අවුරුදු 42 ක පුද්ගලයෙකු හා නාවට්කුලි ප්‍රදේශයේ වයස අවුරුදු 32 ක පුද්ගලයෙකු හා කිළිනොච්චිය රෝහලෙන් යාපනය ශීක්ෂණ රෝහල වෙත මාරු කළ වයස අවුරුදු 28 ක පුද්ගලයෙකු මෙසේ මිය ගොස් තිබෙනවා.