කොළඹ – නුවර මාර්ගයේ කඩුගන්නාව ප්‍රදේශයේදී අද (21) පස්වරුවේ මාර්ගයේ ධාවනය වෙමින් පැවති බස් රථයක් අසළ තිබූ ගසක වැදී අනතුරට පත්ව ඇති බව පොලිසිය ප්‍රකාශ කරනවා.
මෙම බස් රථය කොළඹ සිට නුවර බලා ධාවනය වූ තෙල්දෙණිය ඩිපෝවට අයත් ලංගම බස් රථයක් බවයි පොලිසිය සඳහන් කරන්නේ.
මෙම අනතුරින් 12 දෙනෙකු තුවාල ලබා ඇති අතර තුවාලකරුවන් කඩුගන්නාව, හේනාවල රෝහලට ඇතුළත් කර ඇති අතර බරපතළ තත්ත්වයේ පසුවු දෙදෙනෙකු මහනුවර ජාතික රෝහල වෙත මාරුකර යවා තිබෙනවා.
බස් රථයේ තිරිංග පද්ධතියේ ඇති වූ දෝෂයක් හේතුවෙන් මෙම අනතුර සිදුව ඇති බවයි ආරංචි මාර්ග පවසන්නේ.
අද (21) පෙරවරුවේ ද හැටන් ප්‍රදේශයේ දී පෞද්ගලික බස් රථයක් මාර්ගයෙන් ඉවතට පැන ප්‍රපාතයකට පෙරළීමෙන් පුද්ගලයින් තිදෙනෙකු මියගොස් 46 දෙනෙකු තුවාල ලැබුවා.
