ජාඇල – වැලිගම්පිටිය – ශාන්ත ආනා ප්‍රදේශයේ පිහිටි නිවසකට අද (24) අලුයම වෙඩි ප්‍රහාරයක් එල්ලවී තිබෙනවා.
යතුරුපැදියකින් පැමිණි පුද්ගලයින් දෙදෙනෙකු ටී – 56 ගිනි අවියකින් වෙඩි ප්‍රහාර 40ක් පමණ එල්ල කර ඇති බවයි පොලිසිය සඳහන් කරන්නේ.
මෙම වෙඩි තැබීමෙන් අසල්වැසි නිවාස දෙකකටත් හානි සිදුව තිබෙන අතර වෙඩි ප්‍රහාරවලින් කිසිවෙකුටත් හානියක් සිදුවී නැහැ.
මීට පෙර පසුගිය 15 වන දින රාත්‍රියේ ද මෙම නිවසට යතුරුපැදියකින් පැමිණි තුවක්කුකරුවන් දෙදෙනෙකු විසින් වෙඩි තැබීමක් සිදුකර තිබුණා.
මේ සම්බන්ධයෙන් විමර්ශන ජාඇළ පොලීසිය විසින් ආරම්භ කර තිබෙනවා.
