ඕස්ට්‍රේලියානු ආරම්භක පිතිකරු සෑම් කොන්ටාස් සමග මතභේදාත්මක තත්ත්වයක් ඇති කර ගත් විරාට් කෝලිට තරග ගාස්තුවෙන් සියයට 20 දඩයක් නියම කර තිබෙනවා.
එමෙන්ම ඔහුගේ විනය වාර්තාවට දඬුවම් ලකුණක් එක් කිරීමටයි තරග තීරකවරයා කටයුතු කර ඇත්තේ.
ඔස්ට්‍රේලියාව හා ඉන්දියාව අතර පැවැත්වෙන සිව්වැනි ටෙස්ට් ක්‍රිකට් තරගය අද(26) මෙල්බර්න්හීදී ආරම්භ වු අතර තරගයේ කාසියේ වාසිය දිනා ගත් ඔස්ට්‍රේලියාව පළමුව පන්දුවට පහරදීමටයි තීරණය කරනු ලැබුවා.
මෙම මත ගැටුම ඇති වුණේ මෙම ඉණිම අතරතුරයි.
සිය මංගල ටෙස්ට් තරගයට ක්‍රිඩා කරමින් සිටි 19 හැවිරිදි සෑම් කොන්ටාස්ගේ උරහිසේ විරාට් කෝලි සිතා මතා ගැටී තිබෙනවා.
එහිදි දෙදෙනා අතර කෙටි වචන හුවමාරුවක්ද සිදුවු අතර එම සිද්ධිය සම්බන්ධයෙන් සමාජ මාධ්‍ය තුල මෙන්ම, ක්‍රිකට් විචාරකයින්ගේද දෝෂ දර්ශනයට ලක්වුනා.
