ඩී. සැම්සන් සහ පුත්‍රයෝ පෞද්ගලික සමාගමේ හිටපු සභාපති වූ ද ඩී.එස්.අයි සමූහ ව්‍යාපාරයේ සම්මානනීය අධ්‍යක්ෂවරයකු වූ ද දේශමාන්‍ය නන්දදාස රාජපක්ෂ මහතා ඊයේ (29දා) අභාවප්‍රාප්ත වුණා.
ඩී. සැම්සන් සහ පුත්‍රයෝ පෞද්ගලික සමාගමේ අභිවෘද්ධිය වෙනුවෙන් සිය දිවියම කැප කළ ඒ මහතා නිරන්තරයෙන් තම නායකත්වය දූරදර්ශීව මෙහෙයවමින් ආයතනයේ දියුණුව රටේ ද අභිමානයක් කිරීමට ඇප කැපවී ක්‍රියා කළා.
නන්දදාස රාජපක්ෂ මහතාගේ දේහය කොළඹ ‘ජයරත්න – The Respect’ අවමංගල්‍ය ශාලාවේ තැන්පත් කර ඇති අතර අවසන් කටයුතු අද (30දා) සවස 5.00ට බොරැල්ල කනත්තේදී සිදු කෙරේ.
නන්දදාස රාජපක්ෂ මහතා පසුගිය ජනාධිපතිවරනයේදී අනුර කුමාර දිසානායකට සහය පළකරමින් මාලිමාව වේදිකාවට ගොඩවූ ලංකාවේ ප්‍රකට ව්‍යාපාරිකයින් අතරින් ප්‍රමුකයෙකි. ඔහුගේ රෝගී තත්ත්වය වාර්තාවීමත් සමග ජනාධිපති අනුර කුමාර දිසානායක ඔහුගේ සුවදුක් විමසා බැලීමට රෝහලට ද ගොස් තිබුණා.
