ජාත්‍යන්තර පන්දුවාර 20 ශ්‍රේණිගත කිරීම්වල නවතම යාවත්කාලීන කිරීම මේවන විට ICCය විසින් සිදු කර තිබෙනවා.
ඒ අනුව නවසීලන්තය සමග පැවැති පන්දුවාර 20 තරගාවලියේදී සුපිරි දස්කම් පෑ කුසල් ජනිත් පෙරේරා ස්ථාන 26ක් ඉදිරියට පැමිණෙමින් පන්දුවාර 20 පිතිකරුවන් අතර 10 වැනි ස්ථානයට පත්ව තිබීම කැපී පෙනෙනවා.
ඒ ප්‍රසාද ලකුණු 675ක් සමගින්.
කුසල් නවසීලන්ත පන්දුවාර 20 තරගාවලියේදී ශතකයක් ද සමගින් ලකුණු 149ක් රැස්කර ගත්තේ තරගාවලියේ වැඩිම ලකුණු ලාභියා බවට පත් වෙමින්.
කෙසේවෙතත් කුසල් ජනිත් පෙරේරාට නවසීලන්ත එක්දින තරගාවලියේදී ශ්‍රී ලංකා එක්දින සංචිතයේ ස්ථානයක් වෙන්ව නොතිබීමත් කැපී පෙනෙනවා.
ජගත් පන්දුවාර 20 පිතිකරුවන් අතර මුල් දස දෙනා අතර සිටින අනෙක් ශ්‍රී ලංකා ක්‍රීඩකයා වන්නේ පැතුම් නිස්සංකයි.
ඔහු ප්‍රසාද ලකුණු 707ක් සමග මෙහි 7 වැනි ස්ථානයේ රැඳී සිටිනවා.
මේ අතර ටෙස්ට් පිතිකරුවන් අතර කමිඳු මෙන්ඩිස් 7 වැනි ස්ථානයෙත්,ප්‍රභාත් ජයසූරිය ටෙස්ට් පන්දු යවන්නන්ගේ ශ්‍රේණිගත කිරීම්වල 8 වැනි ස්ථානයෙත් පසුවනවා.
