වසර විස්සකට ආසන්න කාලයක් ශ්‍රී දළදා මාළිගාවේ දියවඩන නිලමේ ධූරය අඛණ්ඩව දරන ප්‍රදීප් නිලංග විසින් සිදුකරන ලද දූෂණ ගණනාවකට එරෙහිව සමාජ ක්‍රියාකාරිකයෙක් විසින් අද (08) අපරාධ පරීක්ෂණ දෙපාරත්මේන්තුව වෙත පැමිණිල්ලක් ගොනු කර තිබෙනවා.
දළදා මාළිගාව සතුව තිබූ රන් ප්‍රතිමා 28ක් අතුරුදහන් කිරීම, වත්මන් දියවඩන නිලමේවරයා සමබරගමු සමන් දේවාලයේ දියවඩන නිලමේ තනතුර දරද්දී රත්තරන් කිලෝ 38ක් අතුරුදහන් කිරීම, දළදා මාළිගාව සතු ප්‍රවේණි ඉඩම් දිවයිනේ ප්‍රමුඛ දේපළ වෙළෙඳාම් සමගාමක් හරහා වෙන්දේසි කර විකුණා දැමීම, පින්නවල ඇත් අතුරු සෙවනේ ඇත් පැටවු දෙදෙනෙක් පැහැරගෙන යෑම, මහින්ද රාජපක්ෂ පාලන සමයේ දී රක්ෂිතයෙන් සොරකම් කළ ඇත් පැටවෙක් කකුල් හතරට විලංගු ලා කම්බේදොළ වලවේ ඉඩම තුළ ගාල් කර තිබෙද්දි පැමිණි ගංවතුරට යට කර එම සතා මැරෙන්නට හැරීම වැනි අපරාධ ගණනාවක් සම්බන්ධව විමර්ශන ඉල්ලා මෙම නඩුව ගොනු කළ බව සමාජ මාධ්‍ය ක්‍රියාකාරී ශෂික දිසානායක මාධ්‍යයට පැවසුවා.
ඔහු පැවසුවේ දළදා මාළිගාවේ රත්තරන් සොරකම්කර සිය මිනි කූපර් රථය රනින් වාත්තු කළ පුද්ගලයෙක් ලෙස වත්මන් දියවඩන නිලමේවරයාට චෝදනා ඇති බවය.
