කොටහේන ප්‍රදේශයේ ඊයේ රාත්‍රී නමයට පමණ සිදු කල වෙඩි තැබීමේ සිද්ධියට සම්බන්ධ ඒ මොහොතේම අත්අඩංගුවට ගත් සැකකරුවන් දෙදෙනා සඟවා තිබූ අවි ආයුධ පෙන්වීමට රැගෙන යාමේදී ඇති වූ ගැටුමකින් මියගිය බව පොලිසිය පවසයි.
ඔවුන් දෙදෙනා යතුරුපැදියකින් පැමිණ මෙම වෙඩිතැබීම සිදුකර ඇති අතර පලායාමෙදි පොලිසිය විසින් ඊයෙ රාත්‍රියේම අත්අඩංගුවට ගැනීම සිදු කර තිබුණි.
කෙසේ නමුත් වෙඩි වැදිමෙන් මිය ගිය පුද්ගලයා වයස අවුරුදු 37 වන ශිව ලිංගම් ශෂි කුමාර් නමැත්තෙක් වන අතර
ඔහු තලවකැලේ ප්‍රදේශයේ පුද්ගලයෙකි. නමුත් වර්තමාන‍යේ පදිංචිව සිට ඇත්තේ කොලඹ කොටහේන (කොළඹ 13) ප්‍රදේශයේ බවයි තොරතුරු වාර්තා වන්නේ.
මෙම වෙඩි තැබීම සිදුකොට ඇත්තේ P 15, කොටහේන පාර, කොළඹ 13 ලිපිනයේ දුරකථන පරිගණක අලුත්වැඩියා කරන ව්‍යාපාරික ස්ථානයක් තුල බවයි වාර්තා වන අතර මිය ගිය පුද්ගලයාද ව්‍යාපාරිකයෙක් බව සඳහන් වේ.
වෙඩි තැබීමට සම්බන්ධ සැකකරුවන් පොලිස් වෙඩි පහරින් මිය ගොස් ඇති අතර ඔවුන් පිලිබඳ වෙනත් තොරතුරු මෙතෙක් අනාවරණය වි නොමැත.
