මෙම වසරේ ගතවූ කාලය තුලදී පුද්ගල ඝාතන 22 ක් සිදුව ඇති බව වැඩබලන පොලිස්පති ප්‍රියන්ත වීරසූරිය පවසයි.
අද පැවැති විශේෂ මාධ්‍ය හමුවකට එක්වෙමින් ඔහු පැවසුවේ ඒ අතර වෙඩි තැබීමේ සිද්ධීන් 17 ක් සහ කපාකොටා ඝාතනය කිරීමේ සිදුවීම් 05 ක් වන බවයි.
ඊට අමතරව එම සිදුවීම් සඳහා ඍජුව හෝ වක්‍රව ආධාර අනුබල දුන් පොලීසියේ හෝ ආරක්ෂක අංශ සාමාජිකයින් පිළිබඳ අනාවරණය වී ඇති බවත් එවැනි පොලිස් නිලධාරීන් දෙදෙනෙකු, එක් හමුදා සාමාජිකයෙකු සහ එක් ගුවන් හමුදා සාමාජිකයෙකු මෙන්ම හමුදාවෙන් පළා ගිය පුද්ගලයින් 07 දෙනෙකු අත් අඩංගුවට ගෙන ඇති බව ද වැඩබලන පොලිස්පතිවරයා පැවසීය.
එමෙන්ම මෙරට තුළ සංවිධානාත්මක අපරාධ කල්ලි 58ක් සහ එහි අනුගාමිකයන් 1400 දෙනෙකු හඳුනාගෙන ඇති බව වැඩබලන පොලිස්පති ප්‍රියන්ත වීරසූරිය පැවසීය.
තවදුරටත් ඔහු සඳහන් කලේ, වත්මන් රජය බලයට පත්වීමෙන් අනතුරුව සිදුකළ විමර්ශනවලදී T56 13ක්, රිවොල් 15ක්, පිත්තෝල 21ක්, බෝර 12 ගිනිඅවි 75ක්, රිපීටර් 7ක්, කොටන තුවක්කු 805ක් සහ වෙනත් ගිනිඅවි 4ක් පොලිස් භාරයට ගත් බවයි.
