මේ වන විට සංවිධානාත්මක අපරාධකරුවන්ට දේශපාලන රැකවරණය අහිමි වී ඇති බවත් ඒ හේතුවෙන් ඔවුන්ගේ අපරාධ කටයුතු මෙරට තුළ තවදුරටත් සිදු කිරීමට නොහැකි වී ඇති තත්වයකට පත්ව ඇති බවත් වර්තමාන දේශපාලන බලාධිකාරින් විසින් බලපෑම් වලින් තොරව පරීක්ෂණ කටයුතු සිදු කිරිමට හැකියාව ඇති බවත් වැඩබලන පොලිස්පති ප්‍රියන්ත වීරසූරිය පවසයි.
රට තුළ පවතින පාතාල කල්ලි ගැටුම් පාලනය පිළිබඳ සහ රටේ ආරක්ෂක තත්ත්වය පිළිබඳ දැනුවත් කිරීම සම්බන්ධයෙන් අද (22) පැවැත්වෙන විශේෂ ප්‍රවෘත්ති සාකච්ඡාවකට එක්වෙමින් ඔහු මේ බව පැවසීය.
මින් පෙර එවැනි සංවිධානාත්මක අපරාධකරුවන්ට දේශපාලන රැකවරණය නොමඳව තිබූ බවත් එවැනි අවස්ථාවල එම අපරාධකරුවන්ව උප සේවය යටතේ ශ්‍රී ලංකා පොලිසියට අනියුක්ත කරගත් අවස්ථාද ඇති බව වැඩබලන පොලිස්පතිවරයා තවදුරටත් කලේය.
සංවිධානාත්මක අපරාධ කල්ලි 58කුත් ඔවුන් හා සම්බන්ධ පුද්ගලයන් 1400ක් පමණ හදුනාගෙන ඇති බවත්, ඔවුන්ට එරෙහිව ක්‍රමානුකූලව සහ නීත්‍යානුකූලව ඉදිරි පියවර ගනිමින් සිටින බවත් පොලිස්පතිවරයා පවසයි.
එමෙන්ම ඔහු සඳහන් කලෙ වර්තමාන අපරාධ අවම කිරිම සම්බන්ධයෙන් මහජනයාගෙ සහය අවශ්‍ය බවත්, මහජනයා සතු තොරතුරු ඇත්නම් ඒවා දැනුම් දෙන ලෙසත් ඉල්ලා සිටියි.
