කුරුණෑගල ඩී.බී වෙලගෙදර විද්‍යාලයේ නියෝජ්‍ය විදුහල්පතිවරයකුගේ පහරකෑමට ලක්වීම නිසා රෝගාතුර වූ සිසුවකු ප්‍රතිකාර සඳහා කුරුණෑගල ශික්ෂණ රෝහලට ඇතුළත් කර තිබෙන බවට තොරතුරු වාර්තා වේ.
එම විද්‍යාලයේ නම වැනි ශ්‍රේණියේ ඉගෙනුම ලබන සිසුන් දෙදෙනකු පන්තියෙන් පිටතට ගිය බව පවසමින් පිටතට ගිය සිසුන් දෙදෙනා කවුරුන්ද යන්න අදාල නියෝජ්‍ය විදුහල්පතිවරයා පැමිණ විමසුවද ඊට කිසිම සිසුවකු පිළිතුරු නොදීම හේතුවෙන් පන්තියේ පිටුපස පේලියේ අසුන්ගෙන පාසල් වැඩ කරමින් සිටි සිසුන් කිහිප දෙනකුට අත්දෙක එකතු කර හිසට සහ කොන්දට පහර දුන් බව පාසල් සිසුන් පවසයි.
මෙම පහරදීමෙන් පසු එක් සිසුවකුට හුස්ම ගැනීමේ අපහසුතාවට පැමිණි බවත්, අනතුරුව සිසුවාට වමනය ගොස් ඇති බවත්, පාසල නිමවීමෙන් පසු ඔහු රෝහල් ගත කළ බවත් සිසුවාගේ පියා විසින් පොලිසියට කරන ලද පැමිණිල්ලේ සඳහන්ව ඇත.
මේ සම්බන්ධයෙන් කුරුණෑගල මූලස්ථාන පොලිසියේ ළමා හා කාන්තා කාර්යංශයට ඊයේ(24) පස්වරුවේ පැමිණිල්ලක් කර තිබුණද ඊයේ රාත්‍රී වන තෙක් පොලිසිය රෝහල් ගත කළ සිසුවාගෙන් හෝ පහරකෑ සෙසු සිසුන්ගෙන් ප්‍රකාශ සටහන් කර ගෙන නොතිබුණු බවයි වාර්තා වන්නේ.
