පමුණුගම, උස්වැටකෙයියාව වෙරළ තීරයේදී වෙඩි තබා පුද්ගලයෙකු ඝාතනය කිරීමේ සිද්ධිය සම්බන්ධයෙන් තවත් පුද්ගලයෙකු සැකපිට අත්අඩංගුවට ගත් බව පොලිසිය පවසයි.
ඊයේ (26) රාත්‍රී කාලයේ රාගම වල්පොල ප්‍රදේශයේදී පමුණුගම පොලිස් ස්ථානයේ නිලධාරින් කණ්ඩායමක් විසින් මෙම මනුෂ්‍ය ඝාතනයට කුමන්ත්‍රණය කිරීම සම්බන්ධයෙන් මෙම සැකකරු අයිස් මත්ද්‍රව්‍ය ග්‍රෑම් 12ක් හා විදේශ රටක නිශ්පාදිත ජීව අත් බෝම්බයක් සමග අත්අඩංගුවට ගෙන ඇති බව පොලිසිය සඳහන් කරයි.
අත්අඩංගුවට ගෙන ඇත්තේ, වයස අවුරුදු 29ක් වන රාගම, වල්පොල ප්‍රදේශයේ පදිංචිකරුවෙක් වන අතර පමුණුගම පොලිසිය මේ පිළිබඳව වැඩිදුර විමර්ශන සිදු කරයි.
මෝගන්වත්ත වෙරළ තීරයේදී පෙබරවාරි 21 වන දා රාත්‍රියේ දණගස්වා වෙඩි තබා පුද්ගලයෙකු ඝාතනය කර තිබිණි.
කෙසේ නමුත් පෙබරවාරි 25 වන දා මෙම වෙඩි තැබීමේ සිද්ධිය සම්බන්ධයෙන් පුද්ගලයන් හත් දෙනෙකු සැකපිට අත්අඩංගුවට ගෙන ඇත.
