ග්‍රෑන්ඩ්පාස් පොලිස් වසමේ පදිංචි කුර්තින් කෙට්ටන් බාලචන්ද්‍රන් චන්ද්‍රසේකර නොහොත් රාජා හා ඔහුගේ බිරිද වන රණසිංහ ආරච්චිලාගේ නෙලුම් රණසිංහ නොහොත් ශානිකා නම් දෙදෙනාට සමන් කුමාර ගුණසේකර නොහොත් පොල් සමන් නමැති වයස අවුරුදු 53ක පුද්ගලයෙක් විසින් මිරිස්කුඩු ප්‍රහාරයක් එල්ලකර ඇති අතර ශානිකා නම් කාන්තාවට පිහියකින් ඇනිමට තැත්කර ඇත.
එහිදි එම කාන්තාවගේ පුරුෂයා වන රාජා යන පුද්ගලයා එයට මැදිහත් විම හේතුවෙන් පිහිඇනුම් ප්‍රහාරය රාජාට වැදි ඇති අතර එම පිහිය උදුරාගෙන රාජා නම් පුද්ගලයා විසින් පොල් සමන්ට ඇන ඇති බවට තොරතුරු වාර්තා වේ.
මෙම දෙපාර්ශවය අතර සිදු වු පිහි ඇනුමෙන් පොල් සමන් සහ රාජා යන පුද්ගලයන් දෙදෙනා බරපතල තුවාල ලබා ඇති අතර බිරිද වන ශානිකා නම් කාන්තාව සුළු තුවාල ලබා කොළඹ ජාතික රෝහල වෙත ඇතුලත් කර ඇත.
එහිදි රෝහල් ගත කිරිමෙන් අනතුරුව පොල් සමන් නම් පුද්ගලයාගේ උදරය ප්‍රදේශයට සිදු වු බරපතල තුවාල හේතුවෙන් මියගොස් ඇති බවට තොරතුරු වාර්තා වේ.
