කුලියාපිටිය, හෙට්ටිපොල ප්‍රදේශයේදී ඊයේ (27) රාත්‍රියේ වෙඩි වැදී රෝහල්ගතකර සිටියදී දැරියක් මියයෑමෙ සිද්ධියට අදාළව සැකකරුවෙකු හෙට්ටිපොල පොලීසිය විසින් අත්තඩංගුවට ගෙන ඇති බව වාර්තා වේ.
මඟුලාගම ප්‍රදේශයේදී ඌරන් දඩයම් කිරීමට ගොස් තබන ලද අපරික්ෂාකාරී වෙඩි තැබීමකින් මෙම දැරිය මරණයට පත්ව ඇති බව පොලීසිය පවසයි.
වෙඩිවැදීමෙන් දැරියගේ මිත්තණිය තුවාල ලබා රෝහල්ගතකර ඇති අතර මෙම අපරාධය සම්බන්ධව සිදුකරන ලද විමර්ශනයට අනුව අත්අඩංගුවට ගත් සැකකරු වයස අවුරුදු 48ක් වන මගුලාගම ප්‍රදේශයේ පදිංචිකරුවෙකි.
ඔහු සන්තකයේ තිබූ බෝර 12 පතොරම් ගිනි අවිය, එම තුවක්කුවට අදාල 2025 වර්ෂයේ බලපත්‍රය හා හිස් පතොරම් කොපු 02ක් පොලිසිය විසින් සොයාගෙන ඇති බවයි තොරතුරු වාර්තා වෙන්නේ.
හෙට්ටිපොල පොලිසිය මෙ පිලිබඳ වැඩිදුර විමර්ශන සිදු කරනු ලබයි.
