ඛනිජ තෙල් නීතිගත සංස්ථාව විසින් හඳුන්වා දෙනු ලැබ ඇති තෙල් සුත්‍රයට අනුව කටයුතු කිරීමට ඉන්ධන බෙදුම්කරුවන් එකඟ වූ බව කැබිනට් මාධ්‍ය ප්‍රකාශක, සෞඛ්‍ය සහ ජන මාධ්‍ය අමාත්‍ය වෛද්‍ය නලින්ද ජයතිස්ස පවසයි.
අද (4) පැවති කැබිනට් තීරණ දැනුම් දීමේ මාධ්‍ය හමුවේදි ඔහු මේ බව පැවසීය.
මෙම තෙල් සුත්‍රය ක්‍රියාත්මක වන අතරේ බෙදුම්කරුවන්ගේ යෝජනා පිළිබඳව විමසා බැලීමට සඳහා නැවත මාර්තු 18 වන දා සාකච්ඡාවක් පැවැත්වීමට තීරණය කර ඇති බව මෙහිදි අමාත්‍යවරයා සදහන් කලේය.
කෙසේ නමුත් ඉන්ධන බෙදුම්කරුවන්ට මෙතෙක් ලැබුණු 3%ක කොමිස් මුදල අහෝසි කිරීමට විරෝධය පළ කරමින් බෙදුම්කරුවන්ගේ සංගමය විසින් ඉකුත් සිකුරාදා (පෙබ. 28) සිට ඉන්ධන ඇණවුම් කිරීමෙන් වැළකීමට තීරණය කළේය.
