ඉන්දීය අග්‍රාමාත්‍ය නරේන්ද්‍ර මෝදි අප්‍රේල් මාසයේදී ශ්‍රී ලංකාවට පැමිණීමට ඉඩ ඇති බව ඉන්දීය මාධ්‍ය වාර්තා කරයි.
එහි සඳහන් වන්නේ, සංචාරය තවමත් සැලසුම් කෙරෙමින් පවතින බවත් අප්‍රේල් 5 වැනි දින පමණ එය සිදුවිය හැකි බවත්ය.
අගමැති මෝදිගේ සංචාරය ආර්ථික සබඳතා ඇතුළු කරුණු ගණනාවක් කෙරෙහි අවධානය යොමුකරනු ඇතැයි අපේක්ෂා කෙරෙන අතර මෙම සංචාරය සඳහා ආරාධනාව ශ්‍රී ලංකා ජනාධිපති අනුර කුමාර දිසානායක විසින් 2024 දෙසැම්බර් මැද භාගයේදී ඉන්දියාවේ කළ දෙදින සංචාරයේදී කරන ලද බවයි වාර්තා වන්නේ.
එය 2024 සැප්තැම්බර් මාසයේදී තේරී පත්වීමෙන් පසු පළමු ජනාධිපති අනුර කුමාර දිසානායකගේ පළමු විදේශ සංචාරය විය.
ඉන්දීය අගමැති මෝදි මීට පෙර 2015, 2017 සහ 2019 වසර වලදී ඔහුගේ පෙර ධුර කාලය තුළ ශ්‍රී ලංකාවට කිහිපවතාවක් පැමිණ ඇත.
