ස්ථාන මාරු ලබාදීම ප්‍රතික්ෂේප කළ පොලිස් ස්ථානාධිපතිවරුන් 44 දෙනකුගේ ලැයිස්තුවක් වැඩබලන පොලිස්පතිවරයා විසින් නැවත පොලිස් කොමිසම වෙත යොමුකර ඇති බව වාර්තා වේ.
පෙර අවස්ථාවේ පොලිස් කොමිසම විසින් එම ස්ථාන මාරු කිරීම් ප්‍රතික්ෂේප කරමින් ඒ සඳහා හේතු දක්වන ලෙස දන්වා ඇත.
ඒ අනුව අදාළ ස්ථාන මාරු කිරීම්වල හේතු දක්වමින් පොලිස්පතිවරයා විසින් ජාතික පොලිස් කොමිසම වෙත මෙම ඉල්ලීම කර ඇති බව මහජන ආරක්ෂක අමාත්‍යාංශය පවසයි.
එම අමාත්‍යාංශය සඳහන් කළේ ඒ අනුව තවත් පොලිස් ස්ථානාධිපතිවරුන් පිරිසකට ස්ථාන මාරු ඉදිරියේදී ලබාදෙන බවයි.
