වගාවට හානි කරන සතුන්ගේ නම් ලැයිස්තුවට ඉත්තෑවන් වල්ඌරන් අඩංගු කර නැතැයි හිටපු කෘෂිකර්ම ඇමැති මහින්ද අමරවීර පවසයි.
‘දිවයින’ පුවත්පතට අදහස් දක්වමින් ඔහු පවසා ඇත්තේ, මෙම සතුන්ගේ නම් ඉවත්කර ඇත්තේ කුමන හේතුවක් නිසාදැයි ප්‍රශ්නයක් පැන නඟින බවයි.
එසේම විනාඩි පහක් ඇතුළත රිළවුන්, දඬුලේනුන් හා මොනරුන් සංගණනය ප්‍රායෝගික නොවන බව පවසන මහින්ද අමරවීර, ඇතැම් වතුවල රිළවුන් වඳුරන් සිය ගණනින් රංචු ගැසී සිටින බවයි පවසන්නේ.
පසුගිය කාලයේ තමා රිළවුන් චීනයට යැවීමට කටයුතු කිරීමේදී පිරිසක් විරෝධය දැක්වූ අයුරු ද හිටපු ඇමැතිවරයා විසින් සිහි කර ඇත.
“ඔය සංගණනයේදී සමහරු හිතෙන හිතෙන හැටියට ව්‍යාජ ගණන් හිලව් පවා ඉදිරිපත් කරන්න පුළුවන්. රිළවුන්, වඳුරන් සියගණනින් රංචු ගැහෙද්දී කාටද පුළුවන් විනාඩි පහෙන් ගණන් කරන්න? උන් එක තැනක ඉන්නේ නැහැ”
