ශ්‍රී ලංකා පොදු ජන පෙරමුණ නියෝජනය කරමින් තමාද හම්බන්තොට දිස්ත්‍රික්කයෙන් මෙවර පළාත් පාලන ආයතන ඡන්දය සඳහා තරග කරන බව හිටපු කතානායක චමල් රාජපක්ෂ පවසයි. ඊයේ (09) තංගල්ල ප්‍රදේශයේදී මාධ්‍ය වෙත අදහස් දක්වමින් චමල් රාජපක්ෂ මේ බව සඳහන් කර ඇත.
ඔහු තවදුරටත් පවසා සිටියේ, මෙවර පළාත් පාලන ආයතනය ඡන්ද විමසීමට ශ්‍රී ලංකා පොදු ජන පෙරමුණෙන් තරග කිරීම සඳහා අපේක්ෂාවෙන් තරුණ තරුණියන් රැසක් එක්ව ඇති බවයි.
“ඉහළ යනවා පහළ යනවා, ආපහු පහළින් පටන් ගන්නවා. සියලු දෙනාගේ ඉල්ලීම අනුව දිස්ත්‍රික්කයේ ඕනෑම තැනකින් ඉල්ලන්න පුළුවන්. අපිව ප්‍රතික්ෂේප කළා නෙමෙයි රටේ තිබුණු රැල්ලත් එක්ක මිනිස්සුන්ට අවශ්‍ය වෙලා තිබ්බා වෙනසක්. ඒ වෙනසේ රඟ දැන් හැමෝම දකිනවා. ඒ නිසා ආපහු ඒ අයට ඕන ඒ ඇති කරපු වෙනස ආපහු වෙනස් කරන්න.
