සහල්වලින් අතුරු නිෂ්පාදන බිහිවීම වඩා හොඳ ප්‍රවණතාවයක් වන බව කෘෂිකර්ම, පශු සම්පත්, ඉඩම් සහ වාරි මාර්ග අමාත්‍ය කේ.ඩී. ලාල් කාන්ත පවසයි. අද (12) පාර්ලිමේන්තුවේදී අමාත්‍යවරයා කියා සිටියේ, සහල්වලින් කෙරෙන ප්‍රධාන නිෂ්පාදන අතරට මත්පැන්ද අයත් වන බවත් ඒ සඳහා වන නීතිවලට අදාළව සහල් ඒ වෙනුවෙන් යොදා ගත යුතු බවයි.
වෛද්‍යවරු කුමක් පැවසුවද තමන්ගේ තර්කයට අනුව මත්පැන් යනු ආහාරයක් බවත්, එමෙන්ම මේ වන විට රට තුළ සහල් හිගයක් නොපවතින බවත් අමාත්‍යවරයා එහිදි පැවසීය.
ඒ පිළිබඳ වැඩිදුරටත් අදහස් දැක්වූ කේ.ඩී ලාල්කාන්ත කියා සිටියේ,
සහල් වලින් අතුරු නිෂ්පාදන තව තවත් බෝ වෙනවනම් තමයි හොඳ. ආය එකතු කර කර යන්න පුලුවන්නම්.මන් නම් කියන්නේ මත්පැන් වැදගත්. මත්පැන් කියන්නෙත් ආහාරයක්. මගේ තර්කයට අනුව වෛද්‍යවරු මොනා කිව්වත්, මම කියන්නේ එක්තරා පිරිසකට ආහාරයක්. එතකොට කියනවා මත්පැන් නිෂ්පාදනයට මෙච්චරක් අච්චරක් යනවා, බියර් යනවා කියලා. මන් නම් කියන්නෙ ඒවට ගන්න තරමට හොඳයි. අපි සමත් වෙන්න ඕනේ ප්‍රමාණවත් ලෙස අමතර ඒවටත් එක්ක නිෂ්පාදනය කරන්න. හැබැයි නීති තියෙනවා”
