දේශපාලනඥයන්ට පාසල් උත්සවවලට සහභාගී වීමට ආරාධනා නොකරන ලෙසට අධ්‍යාපන නිලධාරීන්ට උපදෙස් දුන් ඇගේ පෙර ප්‍රකාශය අගමැතිනි හරිනි අමරසූරිය ඊයේ ප්‍රතික්ෂේප කර ඇත.
අධ්‍යාපන අමාත්‍යවරිය ලෙස අගමැතිනිය විසින් පනවා ඇති තහනම නොතකා ආණ්ඩුවේ පාර්ලිමේන්තු මන්ත්‍රීවරුන් පාසල් උත්සවවලට සහභාගී වන්නේ කෙසේදැයි විපක්ෂ මන්ත්‍රී ඩී.වී. චානකගේ ප්‍රශ්නයට උත්තර දෙමින් අගමැතිනිය ප්‍රකාශ කළේ, ඒ සම්බන්ධයෙන් කිසිදු නීතියක් පනවා නොමැති බවත්, පාසල් පද්ධති දේශපාලනය සඳහා භාවිත නොකළ යුතු බවත් තමන් අවධාරණය කළ බවයි.
එවැනි සීමාවක් නොමැති බව ඇය නැවත අවධාරණය කළ අතර වෙනත් ආකාරයකින් කරුණු සඳහන් කරන ජනමාධ්‍ය වාර්තා වැරදි බවද ඇය සඳහන් කළාය.
නමුත් 2024.09.25 වන දින අධ්‍යාපන අමාත්‍යාංශ නිලධාරීන් සමඟ පැවැති සාකච්ඡාවකින් අනතුරුව අග්‍රාමාත්‍ය කාර්‍යාලය නිවේදනයක් නිකුත් කරමින් සඳහන් කර ඇත්තේ “දේශපාලකයන් පාසල් උත්සව වලට ගෙන්වීම වහාම නතර කරන්න” යනුවෙනි.
එම නිවේදනය පහතින්,
