වැලිවේරිය පොලිස් වසමේ මිට සුලු මොහොතකට පෙර වෙඩි තැබීමක් වාර්තා වේ.
වැලිවේරිය ඇඹරලුව මාර්ගයේ අරලිය ගස් දෙක හන්දිය අසල මෙම වෙඩි තැබීම සිදුව ඇති අතර පොලිස් හදිසි ඇමතුම් අංකයට ලද තොරතුරක් (119) මත වැලිවේරිය පොලිස් ස්ථානයේ නිලධාරීන් අදාල එම ස්ථානයට පැමිණ ඇත.
මෙම ස්ථානයේ වාහනයක වීදුරු කුඩුවී විසිරී තිබෙන බවත් මාර්ගය අසල 09mm වර්ගයේ උණ්ඩ කොපුවක් බිම වැටී හමුව ඇති බවත් වාර්තා වේ.
අවට ප්‍රදේශවාසීන් පවසන පරිදි ඔවුනට වෙඩි සද්දයක් පමණක් ඇසි ඇති අතර සිදුවීම ඇසින් දුටු කිසිදු අයෙක් තවමත් හමුව නොමැති බව සදහන් වේ.
වෙඩි තැබීමෙන් තුවාල ලබා ඇත්තේ අංක 78 දොළහගත පාර උඩුගම්පොළ ගම්පහ ලිපිනයේ පදිංචි විනෝ දිල්ෂාන් ප්‍රනාන්දු නොහොත් ජොරා නමින් හදුන්වන වයස අවුරුදු 26ක පුද්ගලයෙකි.
වෙඩිතැබීමෙන් ඉහත කී පුද්ගලයාගේ වම් අතේ වැළමිටට පහළින් හානි සිදුව ඇති අතර ඔහු මෙ වන විට ගම්පහ රෝහලට ඇතුලත් කොට ඇති බව වාර්තා වේ.
