කඩුගන්නාව දුම්රිය හරස් මාර්ගයේ නඩත්තු කටයුත්තක් හේතුවෙන් තාවකාලිකව වසා තබන බව ශ්‍රී ලංකා දුම්රිය දෙපාර්තමේන්තුව පවසයි.
ශ්‍රී ලංකා දුම්රිය දෙපාර්තමේන්තුව නිවේදනයක් නිකුත් කරමින් සඳහන් කළේ, ප්‍රධාන දුම්රිය මාර්ගයේ කඩුගන්නාව හා පිළිමතලාව යන දුම්රිය ස්ථාන අතර සැතපුම් 65 දම්වැල් 64 ස්ථානයේ පිහිටි කඩුගන්නාව දුම්රිය හරස් මාර්ගයේ නඩත්තු කටයුතු සඳහා හෙට (මාර්තු 15) පෙරවරු 10:00 සිට අනිද්දා (මාර්තු 16) පෙරවරු 06:00 දක්වා මහා මාර්ගය සම්පූර්ණයෙන් ම වසා තබන බවයි.
මෙම කාලසීමාව තුළ ඇති විය හැකි රථවාහන තදබදය මඟහරවා ගැනීමට හා සිදුවන අපහසුතා අවම කර ගැනීමට විකල්ප මාර්ග භාවිත කරන ලෙසද එම නිවේදනයේ සඳහන් කර ඇත.
