ලොරියක ගැටීමෙන් දළයක් කැඩී ගිය සුමේධ නම් ඇතා ඊයේ දින (14) උදෑසන තිරප්පනේ ප්‍රාදේශීය ලේකම් කාර්යාලයේ ලබුනෝරුව ප්‍රදේශයේ වැවක් අසලදී සොයා ගෙන තිබේ.
වනජීවී සංරක්ෂණ දෙපාර්තමේන්තුවේ කණ්ඩායම් කිහිපයක් තුවාල ලැබූ ඇතා සොයා සෝදිසි මෙහෙයුමක් දියත් කර තිබුණි.
තුවාල ලැබූ ඇතා නැවත තම රංචුවට එක්වී ඇති බව වනජීවී නිලධාරීන් තහවුරු කර ගෙන ඇති අතර පණ්ඩුලගම වනජීවී පශු වෛද්‍ය ඒකකය ඇතාට අවශ්‍ය වෛද්‍ය ප්‍රතිකාර ලබා දීමට නියමිතව ඇත.
පසුගිය මාර්තු 07 වන දින හබරණ මරඳන්කඩවල ගලපිටගලදී ලොරියක ගැටීමෙන් මෙම ඇතා තුවාල ලැබූ අතර අනතුරෙන් ඇතාගේ එක් දළයක් සම්පුර්ණයෙන් ශරීරයෙන් වෙන්ව ගොස් තිබුණි.
60
/ 100
SEO Score
