අද (17) උදෑසන ආරච්චිකට්ටුව හලාවත – පුත්තලම මාර්ගයේ බත්තුළු ඔය පාලම අසලදී ලංගම බස් රථයක් මාර්ගයෙන් ඉවතට පැන අනතුරක් සිදුව ඇති බව වාර්තා වේ.
මෙසේ අනතුරට ලක්ව ඇත්තේ, නිකවැරටිය සිට කොළඹ බලා ගමන් ගත් ලංගම බස් රථයකි.
බස් රථය රියදුරාට පාලනය කරගැනීමට නොහැකිව මාර්ගයෙන් ඉවතට පැන විශාල ගසක හා ඒ අසල තිබූ වෙළෙඳ සැලක ගැටීමෙන් මෙම අනතුර සිදුව ඇත.
අනතුරින් බස් රථයේ රියදුරු, මගීන් සහ නිවසේ සිටි කුඩා දරුවෙකු ඇතුළු 21 දෙනෙක් තුවාල ලබා ඇති බව වාර්තා වේ.
