තරුණියන් දෙදෙනකුට මත්පැන් බීමට දී ලිංගික අතවර කර ඡායාරූප ගෙන්වාගෙන අන්තර්ජාලයට මුදාහරින බව පවසමින් තර්ජනය කළ පොලිස් කොස්තාපල්වරයකු ලබන 25 දක්වා රක්ෂිත බන්ධනාගාරගත කිරීමට රත්නපුර මහේස්ත්‍රාත් අධිකරණය නියෝග කර ඇත.
මෙලෙස රක්ෂිත බන්ධනාගාරගත කර ඇත්තේ තලංගම පොලිසියට අනුයුක්තව සේවය කළ පොලිස් කොස්තාපල්වරයකු බවයි තොරතුරු වාර්තා වන්නේ.
නිවිතිගල, උඩකරවිට ප්‍රදේශයේ පදිංචි 20 හැවිරිදි තරුණියකට සහ එම තරුණියගේ සහෝදරයා විවාහ වීමට සිටි තරුණියට මෙලෙස ලිංගික අතවර කර ඇති බවට ලද පැමිණිල්ලක් මත නිවිතිගල පොලිසිය විමර්ශන ආරම්භ කර මෙලෙස අත්අඩංගුවට ගැනීම සිදුකළ බව පොලිසිය පවසයි.
මෙම සිදුවීමට අදාළව තවත් සැකකරුවන් දෙදෙනකු අත්අඩංගුවට ගෙන අධිකරණයට ඉදිරිපත් කර ඇති බවද පොලිසිය වැඩිදුරටත් සඳහන් කරයි.
