නව තානාපතිවරු තිදෙනෙක් ජනපතිට අක්තපත්‍ර බාර දෙයි!

ශ්‍රී ලංකාවට අලුතින් පත්ව පැමිණි විදේශ තානාපතිවරු තිදෙනෙක් අද (24) ජනාධිපති කාර්යාලයේදි ජනාධිපති අනුර කුමාර දිසානායක වෙත සිය අක්තපත්‍ර භාර දී ඇත.

ප්‍රංශය, පලස්තීනය හා නේපාලය යන රටවල් වෙනුවෙන් මෙලෙස නව තානාපතිවරු පත්ව තිබේ.

ඒ අනුව,

ප්‍රංශ තානාපතිවරයා ලෙස රෙමි ලැම්බර්ට් (Remi Lambert)
පලස්තීන තානාපතිවරයා ලෙස ඉහාබ් අයි.එම්.කලීල් (Ihab I.M. Khalil)
නේපාල තානාපතිවරයා ලෙස ආචාර්ය පූර්ණ බහදූර් නේපාලි ( Purna Bahadur Nepali) පත්ව ඇත.

විදේශ කටයුතු, විදේශ රැකියා සහ සංචාරක අමාත්‍ය විජිත හේරත් , ජනාධිපති ලේකම් ආචාර්ය නන්දික සනත් කුමානායක යන අයද මෙම අවස්ථාවට එක්ව සිටියහ.