පසුගිය මාර්තු 17 වනදා ග්‍රෑන්ඩ්පාස් පොලිස් වසමේ නාගලගම් වීදියේ සිදුවු වෙඩිතැබීමට සැකකරුවෙක් අත්අඩංගුවට ගෙන ඇති බව වාර්තා වේ.
නාගලගම් වීදිය ප්‍රදේශයේ දී පුද්ගලයින් දෙදෙනෙකුට යතුරුපැදියකින් පැමිණි පුද්ගලයින් දෙදෙනෙකු විසින් වෙඩි තබා තුවාල සිදුකර තිබුණි.
අදාළ සිදුවීම සම්බන්ධයෙන් ග්‍රෑන්ඩ්පාස් පොලීසිය විමර්ශන ආරම්භ කර තිබූ අතර, ඒ අනුව සිද්ධියට මුහුණදුන් තුවාලකරුවන්ගේ දුරකථනය ඔස්සේ අපරාධය වූ ස්ථානයට කැඳවාගත් සැකකරු ජංගම දුරකථන දෙකක් ද සමග ඊයේ (23) ග්‍රෑන්ඩ්පාස් පොලිස් කණ්ඩායමක් විසින් අත්අඩංගුවට ගෙන තිබේ.
එලෙස අත්අඩංගුවට ගෙන ඇත්තේ 31 හැවිරිදි ග්‍රෑන්ඩ්පාස් ප්‍රදේශයේම පදිංචිකරුවෙක් වන අතර මෙම අපරාධයට ආධාර අනුබල දීම සම්බන්ධයෙන් මේ වන විට සැකකරුවන් තිදෙනෙකු හා සැකකාරියක් විමර්ශන නිලධාරින් විසින් අත්අඩංගුවට ගෙන ඇත.
ග්‍රෑන්ඩ්පාස් පොලීසිය වැඩිදුර විමර්ශන සිදුකරයි.
