ඇමරිකාව චීන ආයතන රැසක් “අපනයන පාලන ආයතන ලැයිස්තුව”ට ඇතුළත් කිරීම සම්බන්ධයෙන් චීනය දැඩි විරෝධය පළ කර ඇති බව චීන වාණිජ අමාත්‍යාංශය ඊයේ(26) චීනයේ ස්ථාවරය පැහැදිලි කරමින් නිවේදනය කර ඇත.
ඇමරිකාව ජාතිකාරක්ෂක සංකල්පය අඛණ්ඩව ව්‍යාප්ත කර අයුතු ලෙස අපනයන පාලන පියවර ක්‍රියාත්මක කරමින් චීන ආයතන රැසක් “අපනයන පාලන ආයතන ලැයිස්තුවට ” ඇතුළත් කිරීම හෙළා දකින බවයි එහිදී චීනය පවසන්නේ.
ඇමරිකාවේ එම ක්‍රියාව අදාළ ආයතනවල නීත්‍යනුකූල අයිතිවාසිකම් දැඩිව උල්ලංඝනය කරන අතර ගෝලීය කර්මාන්ත හා සැපයුම් දාමයේ ස්ථායීතාව ද විනාශ කරන බවත්, දෙපාර්ශ්වය අතර සංවාදය හා සහයෝගිතා මගින් ගැටළු විසඳා ගැනීමට ඉවහල් නොවන බවත් සඳහන් වේ.
මෙම වැරදි ක්‍රියා වහාම නතර කරන ලෙස චීනය ඇමරිකාවෙන් ඉල්ලා සිටින අතර එමෙන්ම චීනය අවශ්‍ය පියවර අනුගමනය කරමින් චීන ආයතනවල නීත්‍යනුකූල අයිතිවාසිකම් ස්ථිර ලෙස සුරක්ෂිත කරන බව ද චීන වාණිජ අමාත්‍යාංශය වැඩිදුරටත් සඳහන් කර ඇත.
