අධිකරණ නියෝග කඩ කළේ යැයි අන්තර් විශ්වවිද්‍යාල ශිෂ්‍යබල මණ්ඩලයේ කැඳවුම්කරු ඇතුළු 27 දෙනෙකු ඊයේ (මාර්තු 27) රාත්‍රියේ අත්අඩංගුවට ගෙන ඇති බව වාර්තා වේ.
ඉල්ලීම් කිහිපයක් මුල් කරගනිමින් සම සෞඛ්‍ය විද්‍යා පීඨ ශිෂ්‍ය සංගමය සෞඛ්‍ය අමාත්‍යංශය ඉදිරිපිට ඊයේ දහවල් විරෝධතාවක් ආරම්භ කලේය.
එහිදී විරෝධතාවයේ නිරතවූ සිසුන් 8 දෙනෙකු සෞඛ්‍ය අමාත්‍යංශ ලේකම්වරයා සමග සාකච්ඡාවක් කළ අතර එය අසාර්ථක වීම හේතුවෙන්, ඔවුන් තවදුරටත් එම ස්ථානයේ රැඳි සිටිමින් විරෝධය දක්වා තිබුණි.
මේ හේතුවෙන් මරදාන පොලිස් වසමේ රෝහල් චතුරශ්‍රය, සෞඛ්‍ය අමාත්‍යංශයට ඇතුළුවීම හා ඒ අවට මාර්ගයන් අවහිර වන ලෙස උද්ඝෝෂණ, පෙළපාලි පැවැත්වීම තහනම් කරමින් මාළිගාකන්ද මහේස්ත්‍රාත් අධිකරණය නියෝගයක් නිකුත් කර ඇත.
61
/ 100
SEO Score
