අම්බලන්තොට කොග්ගල්ල ප්‍රදේශයේ අද (31) අලු‍යම වෙඩි තැබීමක් සිදුව ඇති බව වාර්තා වේ.
නිවසකට පැමිණි යතුරුපැදිකරුවන් දෙදෙනෙකු විසින් මෙම වෙඩි ප්‍රහාරය එල්ල කොට පළා ගොස් ඇත.
වෙඩි වැදීමෙන් පුද්ගලයෙකු තුවාල ලබා ඇති අතර ප්‍රතිකාර සඳහා ඔහුව හම්බන්තොට රෝහලට ඇතුළත් කර තිබේ.
තුවාලකරු වයස අවුරුදු 30ක් වන කොග්ගල්ල, අම්බලන්තොට ප්‍රදේශයේ පදිංචිකරුවෙකි.
කලක සිට තුවාලකරු වෙනත් පාර්ශවයක් සමඟ ඇතිව තිබූ පුද්ගලික ආරවුලක් හේතුවෙන් මෙම වෙඩි තැබීම සිදුකර ඇති බවටත්, වෙඩි තැබීම සඳහා මෙරට නිෂ්පාදිත ගිනිඅවියක් භාවිතා කර ඇති බවත් දැනට සිදුකරන ලද විමර්ශනය අනුව අනාවරණය කරගෙන ඇත.
කෙසේ නමුත් සැකකරුවන් හඳුනාගෙන ඇති අතර අත්අඩංගුවට ගැනීම සඳහා අම්බලන්තොට පොලීසිය වැඩිදුර විමර්ශන සිදුකරනු ලබයි.
